ZIARA YA KAMATI YA FEDHA NA UTAWALA

Posted on: July 24th, 2023

Kamati ya fedha,Utawala na Mipango julai 24,2023 wamefanya ziara ya ukaguzi wa Miradi ya Maendeleo mbalimbali  ambayo inatekelezwa na Halmashauri ya Mji ya Masasi.

Kamati imekagua miradi ya ujenzi wa Miundo ya Shule  kupitia Mradi wa Boost ,Ujenzi wa Miundo mbinu ya Hospitali ya Mkomaindo,Ukarabati wa Kituo cha Walimu Mkomaindo(TRC),Ujenzi wa Uzio wa Shule ya Watoto wenye Mahitaji Maalum Masasi kata ya Mtandi,Ujenzi wa vyumba 9 vya Madarasa Shule ya Msingi Migongo  na ofisi na Ujenzi wa Mabweni mawili ,Vyumba vya Madarasa tano na Matundu Saba ya vyoo Shule ya Wasichana Masasi (Masasi Girls).

Kupitia Ziara hiyo  Mjumbe wa kamati ya fedha ambaye pia ni Mbunge wa Jimbo la Masasi Mjini Ndg. Geoffley Mwambe ametoa pongezi kwa Diwani na wananchi wa kata ya Mkomaindo kwa kujitolea nguvu kazi na kuhakikisha ujenzi wa Shule Mpya  ya Msingi yenye Mkondo Mmoja inakamilika.

‘’Hongera saana Mhe. Diwani pamoja na wananchi wako kwa kujitolea kufanya kazi katika eneo la Shule hii hadi kuhakikisha mnakamilisha kwa wakati hakika tunakila wajibu wa kuwapongeza kwa juhudi mlizozionyesha’’Mwambe