WAKAZI WA KIJIJI CHA NANGOSE WAISHUKURU TASAF

Posted on: December 14th, 2022

Wakazi wa Kijiji Cha Nangose kata ya Temeke Halmashauri ya Mji Masasi Mkoani Mtwara wametoa Shukrani Kwa Serikali ya Jamhuri ya Muungano wa Tanzania Kwa kuwapatia Mpango wa kunusuru kaya masikini Tasaf kwani umeweza Kuwainua Kiuchumi katika Maisha yao.

Shukran hizo zimetolewa November 23,2022 katika Mkutano wa hadhara uliofanyika katika Kijiji Cha Nangose kata ya Temeke na Mh Waziri wa Nchi Ofisi ya Rais Menejimenti ya Utumishi wa Umma na Utawala Bora Bi.Jenesta Mhagama katika ziara yake ya kuona na  kukagua  utekelezaji wa Miradi ya Ajira za Muda  inayotekelezwa na Mpango wa kunusuru kaya masikini TASAF.

Gabliel Joshua Mkazi wa Kijiji Cha Nangose Kwa niaba ya wakazi hao ameeleza kuwa TASAF imewainua kiuchumia wameweza kuwasomesha watoto wao ,kupata chakula Kwa uhakika ,kupata Matibabu ya uhakika na kuanzisha Shughuli za Kiuchumi  ambazo zitawasaidia kuendesha Maisha yao ya kila Siku.