Mkopo wa milioni 59.5 watolewa tena kwa vikundi vya ujasiriamali Masasi Mji

Posted on: July 2nd, 2019

Julai 1, 2019  Mkurugenzi wa Halmashauri ya Mji Masasi Bi.Gimbana Ntavyo  wakiambata na Katibu Tawala  Wilaya ya Masasi Ndg.Azizi Fakhi, Kaimu mwenyekiti wa Halmashauri ya Mji Masasi Mhe.Mbaraka Kodo pamoja na Katibu wa  CCM Wilaya ya Masasi Ndg. Shaibu Mtawa    walikabidhi mkopo wa TZS.59,500,000 ikiwa ni  sehemu ya  asilimia 10% ya mapato ya ndani ya Halmashauri  kwa mwaka wa fedha 2018/2019 kwa vikundi vya ujasiriamali vya Vijana, Wanawake na watu wenye ulemavu.

Awali Halmashauri ya Mji Masasi ilitoa mkopo wenye thamani ya TZS 20,000,000 kwa vikundi vya wanawake, vijana na watu wenye ulemavu na hivyo kufanya jumla ya mkopo uliotolewa kwa mwaka wa fedha 2018/2019 kuwa TZS 79,500,000 ikiwa ni 10% ya mapato ya ndani.

 Vikundi vilivyo nufaika na mkopo huo ni  vikundi vya walemavu TZS.6,500,000/=, vikundi vya wanawake TZS.21,500,000/= pamoja na vikundi vya vijana ambao walikabidhiwa pikikpiki kumi na nne(14) zenye thamani ya  TZS.31,500,000/=

Mkurugenzi wa Halmashauri ya Mji Masasi Bi.Gimbana Ntavyo alieleza kuwa Halmashauri ya Mji Masasi haipo nyuma kutekeleza Ilani ya chama cha Mapinduzi  kwa kuwa ndio chama tawala kilichoshinda uchaguzi wa mwaka 2015

Pia  Mkurugenzi wa Halmashauri ya Mji Masasi asisitiza  mambo yafuatayo kwa vikundi hivyo,

Kwamba, “vijana wa kike wachangamkie fursa hii kwa kuwa wengi wao bado mwamko wao ni mdogo”pia alisema kuwa kila mwanakikundi awe na kitambulisho cha ujasiriamali.

Wakati wa kukabidhi hundi za mkopo huo wa thamani ya TZS.59,500,000/=, Katibu Tawala Wilaya ya Masasi Ndg.Azizi alisisitiza  kuwa maafisa maendeleo ya jamii wajipange kuhamasisha vijana wa kike waunde vikundi na kupata mikopo na wanaopata mkopo ni lazima wawe na nidhamu ya pesa ili wamudu kufanya marejesho.

Kwa upande  mwingine  Katibu Tawala Ndg.Azizi Fakhi alipokuwa akikabidhi pikipiki  kwa vikundi hivyo aliwashauri vijana wa bodaboda wafanye kazi kwa kuzingatia sheria za usalama barabarani na wasiendeshe wakiwa wamelewa.

Mwisho Katibu wa  CCM Wilaya ya Masasi Ndg.Shaibu Mtawa alimpompongeza   Mkurugenzi wa Halmashauri ya Mji Masasi Bi.Gimbana Ntavyo kwa kazi kubwa  inayoifanya katika  kutekeleza ilani ya Chama Cha Mapindi (CCM).