"KARIBU KATIKA BANDA LETU" BI ERICA YEGELLA

Posted on: August 1st, 2023

Mkurugenzi Halmashauri ya Mji Masasi, Bi. Erica Yegella amewahimiza wadau na wananchi kutembelea banda la Masasi Mji linalopatikana katika viwanja vya Nanenane Ngongo-Lindi ili kujionea teknolojia ya kisasa ya ufugaji, kilimo, uvuvi, fursa na bidhaa mbalimbali zinazopatikana katika banda hilo.

Amesema banda la Halmashauri ya Mji Masasi lina bidhaa bora zinazomuwezesha mtanzania kukua kifikra na kimaendeleo.

Amesema hayo Agosti 1, 2023 katika ufunguzi rasmi wa maonesho ya Nanenane katika Viwanja vya Ngongo- Lindi.

“Nawakaribisha wananchi wote mje katika banda la Halmashauri ya Mji Masasi, Kuna  bidhaa zote kuanzia asali, jamii ya kunde, vikapu, mashine za kusaga na kukoboa, mashine za kupukucha mahindi, vifaa bora pamoja na elimu ya mifugo kutoka kwa madaktari bingwa wa mifugo” Bi. Erica Yegella.

Maonesho hayo yamefunguliwa na Naibu Waziri wa Mambo ya Ndani, Mhe. Jumanne Sagini agosti 1,2023 ambapo wadau mbalimbali  wataonesha fursa za kilimo, mifugo na uvuvi hadi agosti 8, 2023.