KAMATI YA FEDHA NA UTAWALA YAKAGUA UTEKELEZAJI WA MIRADI YA MAENDELEO

Posted on: April 17th, 2024

Kamati ya Fedha na Utawala ikiongozwa na Mwenyekiti wa Halmashauri ya Mji Masasi Mhe. Hashim Namtumba April 17, 2024 imetembelea na kukagua utekelezaji wa miradi ya maendeleo ambapo imekagua jumla ya miradi mitano.

Miradi iliyokaguliwa ni pamoja na shule ya sekondari ya kutwa ya Jida, kikundi cha vijana (Wapambanaji) kilichopo kata ya Mkuti, zahanati ya Napupa, shule ya Msingi Nyasa na jengo la upasuaji Mkomaindo.

Akizungumza katika ukaguzi huo, Mhe. Namtumba amesema ushirikiano baina ya waheshimiwa Madiwani na watalaamu ni muhimu katika kuhakikisha Mji unakuwa na maendeleo.

Aidha, Kamati hiyo imepongeza juhudi za Mbunge wa Jimbo la Masasi Mjini, Mhe. Geoffrey Mwambe kwa jitihada zake za kuhakikisha miradi ya maendeleo inawafikia wananchi wa Masasi Mji sambamba na kutoa shukurani kwa Serikali ya Jamhuri ya Muungano wa Tanzania inayoongozwa na Rais Mhe. Dkt. Samia Suluhu Hassan kwa kutoa fedha za utekelezaji wa miradi ya maendeleo.

Pia, Mhe Namtumba amewashukuru marafiki wa Ujerumani (Enzkreis) kwa kuleta vifaa vya Upasuaji katika Jengo la Upasuaji Mkomaindo ambalo limetumia mapato ya ndani kwani vinakwenda kuboresha huduma za afya kwa wananchi.

Sambamba na hilo Kamati hiyo imewapongeza Wahe. Madiwani wote, Mkurugenzi wa Mji  kwa kufanikisha kukamilika kwa majengo ikiwemo jengo la Upasuaji Mkomaindo.