“WANANCHI TUJITOKEZE MKOMAINDO HOSPITALI KUPATA VIPIMO NA MATIBABU YA SARATANI BURE, SERIKALI IMELIPIA GHARAMA (SAMIA SULUHU OUTREACH SERVICES)” DC KASSANDA

Posted on: April 23rd, 2025

Mkuu wa Wilaya ya Masasi Mhe. Rachel Kassanda amewahimiza wananchi wa  Masasi kujitokeza kwa wingi kupata huduma za kibingwa za uchunguzi, vipimo na matibabu ya saratani bure kuanzia tarehe 22 April 2025 hadi 25 April 2025 zinazotolewa na Taasisi ya Saratani Ocean Road kwa kushirikiana na Masasi Mji katika Hospitali ya Mkomaindo Halmashauri ya Mji Masasi mkoani Mtwara ( Huduma za Mkoba-Samia Suluhu Outreach Services). 

Amesema hayo April 23, 2025 mara baada ya kuwapokea madaktari bingwa kutoka taasisi ya Ocean Road ambao wameanza rasmi kutoa huduma kwa wananchi. 

Mkurugenzi wa huduma za kinga Taasisi ya Saratani Ocean Road, Dkt. Crispin Kahesa amesema huduma zinazotolewa ni vipimo na matibabu ya saratani bure (saratani ya matiti na mlango wa kizazi, vipimo na matibabu ya tezi dume bure kutoka kwa madaktari bingwa.

Mganga Mfawidhi Hospitali ya Mkomaindo,­ Dkt. Ditrick Mmole amesema wananchi wengi wamejitokeza kupata huduma hizo na wanatarajia kuhudumia wananchi zaidi ya 1000. 

Mwananchi  kutokea Mkuti, Hawa Ally Mohamed amesema amepata mapokezi mazuri na tiba bila gharama yeyote huku akiwahimiza wakazi wa Masasi na maeneo mengine kufika kupata huduma hizo za matibabu ambazo zinatolewa bure kabisa.