"WANAMASASI JIUNGENI NA HUDUMA YA UMEME KWA WINGI" MHE MWAMBE

Posted on: September 22nd, 2023

Mbunge wa Jimbo la Masasi Mjini Mhe.Geoffrey Mwambe amewaomba wananchi wote wa Jimbo la Masasi Mjini kuunganishiwa huduma ya umeme ili Tanesco wajuwe kuwa wanawateja wengi kwa maeneo ya vijijini.

“Natamani kila mwananchi wa jimbo langu aunganishiwe huduma ya umeme ili Tanesco wajuwe kuwa wanawateja wengi ili mapato yao yaongezeke yawe yakutosha na wao waweze kuhudumia Miundombinu ya Serikali ambayo imewekwa”Mwambe

Aidha Mwambe amemshukuru Rais wa Jamhuri ya Muungano wa Tanzania Samia suluhu Hassan kwa kuongeza Nguzo 40 za umeme kwa kila kijiji kilichopo Jimbo la Masasi Mji kwani ni bahati kubwa saana kwa wananchi wa Masasi.

“kwanza  wananchi wangu tunabahati saana Mhe.Rais wa jamhuri ya Muungano wa Tanzania Samia Suluhu Hassan ameongeza nguzo 40 kwa kila kijiji ili kuhakikisha huduma ya umeme inawafikia wananchi wote” Mwambe

Ameyasema hayo septemba 22,2023 katika  kijiji cha Namikunda kata ya Mumbaka halmashauri ya Mji Masasi  katika hafla ya Naibu waziri wa Nishati mhe.Judith Kapinga ya kuwasha umeme vijijini kupitia Mradi wa REA 111

Kwa upande wake Naibu waziri wa Nishati Mhe.Judithi Kapinga ameeleza kuwa Mkoa wa Serikali imetoa Billion 98 kwa ajili ya kusambaza umeme Halmashauri zote tisa (9)  na Halmashauri ya Mji Masasi wametumia zaidi ya billion 1 na Mkandarasi yuko saiti.

“Serikali imetumia zaidi ya billion 1 kwa na Mkandarasi yuko saiti na lengo letu Masasi Mji tunaenda kuunganisha na Gridi ya Taifa ,tunamshukuru Mhe. Rais  na tunategemea ndani ya miezi 18 mpango huu utakuwa umekamilika hivyo natoa rai ya wananchi kuwa na muamko wa kuvuta Nishati hii katika Nyumba zao”Mhe Judith.