MILIONI 644,750,000.00 ZA TEKELEZA MIRADI SEKTA YA AFYA,NA ELIMU MASASI MJI.

Posted on: December 14th, 2022

Mkurugenzi  Halmashauri  ya  Mji Masasi Elias Ntiruhungwa  November 14,2022  amefanya kikao na Madiwani ,watendaji wa  kata ,Maafisa Elimu kata ,na Wakuu wa Shule wa Maeneo ambako Miradi  inatekelezwa  ya Sekta ya Elimu ,Afya chenye lengo la kutoa Maelekezo ya awali kuhusu mapokezi ya Fedha kiasi cha Shilingi Milioni Mia sita arobaini na Nne laki saba na hamsini (644,750,000.00) kutoka Serikali kuu  kwa ajili ya utekelezaji wa Miradi mbalimbali katika kata zao.

Katika kikao hicho Ntiruhungwa alitoa Mchanganuo wa fedha hizo kwa kila Eneo la Mradi  na Mradi ambao utatekelezwa kutokana na Fedha hizo na kuwaomba  kila Afisa Mtendaji kata kwenda kufanya kikao na wananchi wake katika Maeneo yao kwa ajili ya kuwapa Taarifa ya Mapokezi ya Fedha hizo  na Matumizi yake ili kuondoa changamoto mbalimbali ambazo huwa zinajitokeza kipindi cha utekelezaji wa Miradi.

Frenk Malanjila Diwani kata ya Temeke  Halmashauri ya Mji Masasi kwa niaba ya Madiwani  wote ametoa pongezi na Shukrani kwa Mh Samia Suluhu Hassan  kwa kuwaptia fedha hizo kwa ajili ya utekelezaji wa Miradi  kwa sekta ya Elimu,Afya na Utawala ameahidi kuwa wataenda kuzisimamia kuhakikisha Miradi inakamlika .

Kwa upande wake Kaimu Mkuu Idara ya ujenzi Ombeni Usiri amewaomba maafisa watendaji kata kwenda kusimamia Miradi hiyo kwa  kila hatua ya Ujenzi kuanzia Michoro hadi hatua ya mwisho ili tuweze kufanikiwa kwa asilimia mia moja ya Utekelezaji .Aidha Mkurugenzi ametoa agizo kwa wasimamizi hao kwenda kuhamasisha wananchi  kujitolea nguvu kazi   wakati wa utekelezaji wa Miradi  yao  ili kurahisha kukamilika kwa haraka  kwani anawaamini ni Viongozi wenye uweledi katika kusimamia Miradi na hawajawahi kumuangusha.