MHE NAIBU WAZIRI UMMY APOKEA NA KUGAWA VIFAA SAIDIZI KWA AJILI YA WATU WENYE ULEMAVU

Posted on: November 22nd, 2023

Naibu Waziri Ofisi ya Waziri Mkuu anayeshughulikia masuala ya Sera, Bunge na Uratibu Mhe. Ummy Nderiananga Novemba 22, 2023 ameongoza zoezi la kukabidhi vifaa saidizi kwa watu wenye ulemavu katika Mkoa wa Mtwara vilivyotolewa na kampuni ya sigara ya TCC ikiwemo fimbo nyeupe, viti mwendo, cherehani za umeme na kawaida, mashine za kudalizi, baiskeli na magongo ya kisasa ya kutembelea kwa lengo la kuwasaidia kukidhi mahitaji yao.

Ametoa wito kwa wadau kuendelea kuunga mkono watu wenye mahitaji maalumu nchini ikiwemo kuwapatia vifaa saidizi ili kurahisisha upatikanaji wa huduma.

Naye, Mkuu wa Mkoa wa Mtwara  Mhe, Kanali Ahmed Abbas  amesema kuwa  halmashauri zote tisa zimeguswa na  baadhi ya taasisi za serikali ikiwemo shule na vyuo.

Meneja wa TCC mkoa wa Mtwara, Fredriki Masawe amesema wataendelea kuwafikia watu wote wenye mahitaji maalumu mkoani Mtwara.