KAMATI YA SIASA CCM MKOA WA MTWARA YARIDHISHWA NA UTEKELEZAJI WA MIRADI YA MAENDELEO MASASI MJI

Posted on: January 7th, 2025

Kamati ya Siasa ya Chama Cha Mapinduzi (CCM) Mkoa wa Mtwara ikiongozwa na Mwenyekiti wake Ndg. Said Nyengedi leo Januari 7, 2025 imetembelea miradi ya maendeleo iliyopo Halmashauri ya Mji Masasi na kuridhishwa na utekelezaji wa miradi hiyo. 

 Akizungumza wakati wa ziara hiyo Ndg. Nyengedi ameipongeza Halmashauri ya Mji Masasi kwa usimamizi mzuri wa miradi hiyo na kuwataka wananchi kuunga mkono jitihada zinazofanywa na Serikali ya Jamhuri ya Muungano wa Tanzania ili kufikia malengo yaliyo kusudiwa huku akiwataka wananchi  kutunza miradi hiyo.

Naye, Mkuu wa Mkoa wa Mtwara Mhe. Kanali Patrick Sawala ametoa pongezi zake za dhati kwa usimamizi mzuri wa miradi hiyo na kuzitaka Halmashauri zingine kuiga mfano mzuri uliooneshwa na Halmashauri ya Mji Masasi ili kuleta chachu ya maendeleo.

Miradi iliyotembelewa na kamati hiyo ni pamoja na ujenzi wa Shule ya Sekondari ya Kata Matawale  yenye thamani ya Tsh milioni 560 kutoka Serikali  Kuu kupitia mradi wa SEQUIP, Ujenzi wa Maegesho ya Magari Makubwa Mwengemtapika wenye thamani ya zaidi ya milioni 100 kutoka  mapato ya ndani , Ujenzi wa  Vyumba vitatu vya Madarasa na Matundu sita ya vyoo Shule ya Msingi Mkuti B  wenye thamani ya Tsh milioni 83,200,000  kutoka  Serikali kuu kupitia mradi wa BOOST na Ukamilishaji wa Ujenzi wa Bweni shule ya wanafunzi wenye mahitaji Maalumu Masasi, Milioni 50  kutoka mapato ya ndani