HAKIKISHENI ZOEZI LA CHANJO LINAENDA VIZURI ILI TUFIKIE MALENGO

Posted on: September 2nd, 2022

Mkurugenzi wa halmashauri ya Mji Masasi Mkoani Mtwara Eliasi Ntiruhungwa amewaomba kamati ya afya ya Msingi ya Wilaya (PHC) ya  chanjo ya Polio itakayoanza  septemba 1,2022  Hadi September 4,2022 kuhakikisha zoezi hili la chanjo ya awamu ya tatu linaenda vizuri Ili kufikia malengo.

Ameyasema hayo Agost 31,2022 katika Kikao Cha  Kamati ya Afya ya  Msingi  wilaya  ya  Masasi ya chanjo ya polio  awamu ya tatu kilichowakutanisha wadau mbalimbali wilayani Masasi wakiwemo Viongozi wa dini ,wazee Maarufu pamoja na kamati ya ulinzi na usalama.

Ameeleza kuwa Lengo la chanjo ya polio awamu ya tatu halmashauri ya Mji  Masasi ni kuchanja watoto 17903 waliochini ya miaka mitano (5).

Sambamba na hayo ameitaka jamii ya Masasi kuongeza Kasi ya Usafi na kuhakikisha kila kaya inakuwa na choo Bora Ili kuepuka Magonjwa mbalimbali hasa ugonjwa wa Polio.

Pia ametoa agizo kwa Viongozi wa Dini wote kwenda kutoa hamasa kwa jamii zinazowazunguka  ili  wazazi  waweze  kujitokeza  katika zoezi hilo .